- Tíðindi, mentan og ítróttur
Setanarviðurskiftini skulu broytast
<div>Løgmaður hevur sett sær, at við árslok eru nýggjar reglur komnar um lønina hjá landsstýrisfólkum.</div><div><br></div><div>Løgmansskrivstovan boðar frá, at løgmaður ætlar at gera nýggjar reglur um løn og setanarviðurskifti hjá landsstýrisfólkum fyri at fáa hesi viðurskifti so røtt og rímulig sum til ber.</div><div><br></div><div>Løgmaður hevur heitt á føroysku umboðini í dómaratilnevningarnevndini um at geva sær eitt uppskot um fólk at seta í óhefta nevnd, sum skal geva løgmanni tilmæli um samsýningar og eftirløn hjá landsstýrisfólkum.</div><div><br></div><div>Tilmælið verður grundarlag undir lógaruppskoti, sum verður lagt fyri formenninar í øllum flokkunum. Síðani verður uppskotið lagt fyri løgtingið. Miðað verður eftir at koma á mál um ársskiftið, upplýsir Løgmansskrivstovan.</div><div><br></div><div>Eydnast ikki at broyta lønina við hesum lógaruppskoti, er ætlanin at broyta stýriskipanarlógina í staðin fyri, sigur Kaj Leo Holm Johannesen, løgmaður.</div><div><br></div><div>Hann sigur, at lønin og setanarviðurskiftini hjá landsstýrisfólkunum eiga at vera í javnvág við setanar- og lønarlagið í samfelagnum. Men samstundis eiga tey eisini at vera í samsvari við ábyrgdina, sum landsstýrisfólk hava. </div><div><br></div><div>Løgmansskrivstovan hevur kannað møguleikan at gera eina skipan sum ta í Íslandi. Har ásetir ein óheft nevnd samsýningarnar hjá ráðharrunum og ikki altingið. </div><div><br></div><div>Ein slík skipan krevur tó broyting í stýrisskipanarlógini.</div><div><br></div><div>Kaj Leo Holm Johannesen sigur í tíðindaskrivi, at samsýningarnar hjá landsstýrisfólkum eiga at verða endurskoðarar. </div><div><br></div><div>- Um lógaruppskotið, sum eg farið at leggja fyri tingið í heyst, ikki ber á mál, verður farið undir tilgongdina at broyta stýrisskipanarlógina, sigur løgmaður.</div><div><br></div>
