- Tíðindi, mentan og ítróttur
Umrøða samsýningarnar
<div>Eftirlønin og kostnaðargjaldið hjá tingfólkum og landsstýrisfólkum hava verið nógv mest umrødda kjakevnið millum fólk seinastu tíðina. Orsøkin er, at meirilutin í løgtinginum hevur felt eitt uppskot hjá andsstøðuni at dagføra ískoytisgjøldini sum politikarar fáa, samstundis sum ein risastór spariætlan verður sett í verk fyri at fáa avlop á fíggjarlógina í 2016.</div><div><br></div><div>Jógvan á Lakjuni, tingformaður, sigur, at hann fer at taka málið upp í formansskapinum, tí málið higartil hevur skapt alt ov nógv órógv millum fólk.</div><div><br></div><div>- Um fólk hava tað fatan, at endurgjøldini eru heilt órímilig, so mugu vit umrøða málið í formansskapinum, sigur Jógvan á Lakjuni.</div><div><br></div><div>Tá fíggjarnevndin herfyri mælti løgtinginum til at fella uppskotið hjá Rigmor Dam í javnaðarflokkinum, spældi meirilutin í fíggjarnevndini bóltin yvir til formansskapin. Tað er uppgávan hjá formansskapinum at gera møguligar broytingar, og tað er óneyðugt at heita á formansskapin hevur viðvíkjandi, helt fíggjarnevndin.</div><div><br></div><div>Nú verður málið so tikið upp í formansskapinum, og tað verður kanska avgreitt í samstarvi við løgmann, sigur løgtingsformaðurin.</div><div><br></div><div>Løgmaður hevur nevniliga lova, at hann skal orna viðurskiftini hjá landsstýrisfólkunum, so tey eru røtt og rímilig, og Annika Olsen, landsstýriskvinna, hevur sagt, at hon tekur undir við hesum.</div>
