- Tíðindi, mentan og ítróttur
MVG'ið er hækkað 6%
<div>Inntøkurnar frá skatti vóru 60 milliónir krónur minni enn í fjør, men at forskatta eftirlønina hevur givið 46 milliónir krónur aftrat. So fimtan milliónir krónur færri eru komnar inn í landsskatti og eftirlønarskatti, um samanborið verður við landsskattin fyrsta ársfjórðing í fjør. Fíggjarmálaráðið ger vart við, at eftirlønarskatturin verður hægri seinni í ár, tá ið skattur frá útlendsku pensjónskassunum eisini verður við.</div><div><br></div><div>Yvirlitið við skatta- og avgjaldsinntøkum frá Fíggjarmálaráðnum vísir, at fyrsta ársfjórðing vóru goldnar 2 mia. og 71 mió. krónur um a-skattaskipanina. Hetta eru 4 prosent meira enn sama ársfjórðing í fjør.</div><div><br></div><div>Kommunukassarnir fingu 344 mió. kr í skattainntøkum fyrsta ársfjórðing samanborið við 335 mió. kr somu tíð í fjør. Vøksturin er 2,7%. </div><div><br></div><div>Fyrsta ársfjórðing í ár er bilasølan og skrásetingargjaldið vaksið við meira enn 30% í mun til somu tíð í fjør. Fíggjarmálaráðið heldur, at hetta er eitt greitt tekin um, at heimligi eftirspurningurin er vaksin.</div>
