- Tíðindi, mentan og ítróttur
Færri nýggj røktarpláss enn ætlað
<div>Átta av plássunum á nýggja røktarheiminum eru nevniliga sett av av til fólk, sum longu búgva á verandi røktarheiminum í býnum, Norðoya Røktarheimi.</div><div><br></div><div>Hetta var neyðugt fyri at loysa trupulleikan við dupultkømurum á Norðoya Røktarheimi, sigur Elsebeth Mercedes Gunnleygsdóttir, forkvinna í sosialu nevnd í Klaksvíkar býráð.</div><div><br></div><div>Í sambandi við at nýggja røktarheimið letur upp næsta summar, verða dupultkømurini á Norðoya Røktarheimi avtikin. Tað vil siga, at átta fólk, sum nú búgva á dupultkømurum á Norðoya Røktarheimi, verða flutt í nýggja røktarheimið, har tey fáa sítt egna kamar.</div><div><br></div><div>Nýggja røktarheimið er skipað í tríggjar eindir við átta búfólkum í hvørjari eind. Tað vil siga, at ein eind á nýggja røktarheimunum longu er upptikin, áðrenn heimið letur upp.</div><div><br></div><div>Sum er standa 30 fólk á akuttum bíðilista at sleppa á røktarheim í Klaksvík. Einans 16 av teimum fáa sostatt boðið pláss á nýggja røktarheiminum, meðan restin má bíða til seinni.</div><div><br></div><div>Nýggja røktarheimið í Klaksvík kostar 56 milliónir krónur at byggja. Heimið letur upp næsta summar</div><div><br></div><div><br></div><div><br></div><div><br></div>
