- Tíðindi, mentan og ítróttur
Dýra orkan og matvørurnar trýsta prístalið
<div>Í dag er brúkaraprístalið 120,6 í mun til 119,4 fjórða ársfjórðing og 117,9 fyrsta ársfjórðing í fjør.
Vøksturin stavar serliga frá dýrari orku og matvørum, skrivar Hagstovan.</div><div><br></div><div>Fyrsta ársfjórðing í ár hækkaði brúkaraprístalið 2,3 prosent samanborið við
sama ársfjórðing í fjør. Hetta er sami árligi prísvøkstur, sum var fyrsta
ársfjórðing í 2011, men nakað minni enn fjórða ársfjórðing, tá árligi
prísvøksturin var 2,6 prosent.</div><div><p class="MsoNormal"></p><p></p><p></p>
<p class="MsoNormal">Tað eru framvegis dýrari orka og matvørur, sum toga
brúkaraprístalið upp. Prísirnir á orku eru hækkaðir mest og hava eisini mestu
ávirkanina á brúkaraprístalið samanlagt. Brennioljan til húsarhald er farin
17,1 prosent upp og ravmagn 6,9 prosent. Og prísirnir á brennievni til akfør
eru hækkaðir 15,3 prosent.</p><p></p><p></p><p class="MsoNormal">Prísirnir í flestu matvørubólkum eru hækkaðir
seinasta árið. Kaffiprísurin er farin 19,4 prosent upp, kjøtprísurin 5,4
prosent, oljur og fitievni 2,9 prosent. Í miðal eru matvøruprísirnir í dag 2,7
prosent hægri enn somu tíð í fjør.</p><p class="MsoNormal"></p><p></p><p></p>
<p class="MsoNormal">Mesta príslækking hevur verið í nýtslubólkinum
samskifti.</p></div>
