- Tíðindi, mentan og ítróttur
Trygd megnaði ikki at prógva tryggingarsvik
<div>Tryggingarfelagið Trygd sendi ein privatdetektiv eftir einum viðskiftafólki, tí felagið hevði illgruna um tryggingarsvik. Tað kom fram í sjónvarpssendingini "Bag Facaden" hjá Danmarks Radio í gjárkvøldið.</div><div><br></div><div><a href="http://www.dr.dk/nu/player/#/bag-facaden/3859">Her er sendingin hjá DR</a> </div><div><div><br></div><div>Ein føroyingur, Benny við Sandá, var í 2009 og ferðaðist í Danmark. Hann hevði bilin við. Men bilurin varð stolin í miðbýnum í Keypmannahavn. Bilurin var tryggjaður hjá Trygd, og Benny við Sandá boðaði Trygd frá stuldrinum. Men hann fekk ongar pengar frá Trygd. </div><div><br></div><div>Trygd sendi danska privatdetektivin Poul Erik Nielsen eftir honum. Og hansara kanning her í Føroyum og frágreiðing endaðu við, at Trygd meldaði Benny við Sandá fyri tryggingarsvik. Hann varð handtikin og skuldsettur. Sambært Poul Erik Nielsen var bilurin hjá Benny við Sandá ongantíð í Keypmannahavn. Hann fór beinleiðis til Turkalands, tá hann var komin í land av Norrønu, segði privatdetektivurin. </div><div><br></div><div>Men Benny við Sandá varð kortini ongantíð dømdur. Hann kundi við myndum og einari kvittan prógva, at bilurin var í Keypmannahavn, tá hann annars sambært privatdetektivinum var á veg til Turkalands. Í staðin fyri bjóðaði Trygd semju við at rinda Benny við Sandá 300.000 kr. í skaðabót. Hetta hendi dagin fyri, at Danmarks Radio var í Føroyum og tosaði við Benny við Sandá. </div><div><br></div><div>Í sendingini harmast Christian Andreassen, nevndarlimur í Trygd, um hendingina, tí Trygd ikki fekk prógvað uppáhaldið um tryggingarsvik. Í sendingini greiðir Benny við Sandá frá um arbeiðsháttin hjá privatdetektivinum og Trygd.</div><div><br></div><div>Danmarks Radio royndi eisini at spyrja Poul Erik Nielsen, hví hann skuldsetir fólk fyri tryggingarsvik uttan at hava prógv fyri tí. Men hann vildi ikki svara.</div></div><div><br></div><div><br></div><div><br></div><div><br></div>
