- Tíðindi, mentan og ítróttur
900.000 danir taka ov lítið av kolesterolheilivági
<p>Tað kemur fram í eini kanning, ið Herlev Hospital hevur gjørt fyri danska hjartafelagið, og sum verður løgd fram alment seinni í dag.</p><div>Fólkini eru í vandabólki, tí tey hava ov mikið av kolesteroli í blóðinum, meira enn fimm mol/l. Avleiðingin er, at 90.000 danir yvir eitt tíggju ára skeið eru í vanda fyri at fáa hjartatilburðir. Ein triðingur er eisini í vanda fyri at doyggja av tilburðunum. </div><div><br></div><div>Danska hjartafelagið metir, at sleppast kann undan deyðsføllum, um fólk - sum eru í vandabólkinum at fáa hjartatilburðir - taka tann neyðuga heilivágin fyri ov nógv kolesterol í blóðinum, verður mett.</div><div><br></div><div><b>90 prosent fáa ikki heilivág</b></div><div><br></div><div>Granskarar hava fylgt 58.750 fólkum, sum ikki frammanundan eru hjartaveik ella hava diabetes, og hava mett um fólkini eru í vanda fyri at fáa hjartasjúkur, orsakað av æðrakálking.</div><div><br></div><div>- Nærum 90 prosent av fólkunum fáa ikki kolesterolheilivág, hóast tey eru í vandabólki, sigur Børge Nordestgaard, yvirlækni á Herlev Hospital og professari við lærda háskúlan í Keypmannahavn.</div><div><br></div><div>Sambært Børge Nordestgaard, ið hevur verið við til at gera kanningina fyri danska hjartafelagið, eru góðir møguleikar, at fyribyrgja nógvu hjartatilburðirnar í Danmark.</div><div><br></div><div><b>Sum at koyra uttan trygdarbelti</b></div><div><br></div><div>- Kommunulæknar kunnu heilt avgjørt gera meira fyri at bjóða sjúklingum í vandabólkinum kolesterollækkandi heilivág, er metingin hjá yvirlæknanum og professaranum, Børge Nordestgaard.</div><div><br></div><div>- Tað er ikki øðrvísi enn at koyra bil uttan trygdarbelti - tað er ein háttur at verja seg sjálvan móti framtíðarinnar sjúkum, er metingin hjá honum</div><div><br></div><div>Eitt ov høgt kolesteroltal, tað vil siga ov nógv feitt í blóðinum, kann føra til æðrakálking og sostatt økja um vandan fyri blóðtøppum í hjarta og heila.</div><div><br></div><div><br><i>Kelda: dr.dk</i></div>
