- Tíðindi, mentan og ítróttur
Íslendsk móttøkuskip framíhjárætt
<div>Fiskimálaráðið væntar ikki, at móttøkuorkan á landi og á skipum undir føroyskum flaggi klárar at taka ímóti øllum makrelinum til matna í summar. Tí sleppa útlendsk móttøkuskip inn á makrelfeltið at taka ímóti makreli, rinda tey tvær krónur í avreiðingargjaldi fyri kilo.</div><div><br></div><div>Men tað vera tó tvey sløg av útlendskum móttøkuskipum, harav onkur sleppa undan avreiðingargjaldinum. Sambært skjølum hjá Fiskimálaráðnum sæst, at nøkur skip sleppa bíligari enn onnur.</div><div><br></div><div>- Fiskimálaráðið skrivar m.a. "at avreiðingargjald kann tó ikki leggjast á avreiðingar til skip úr londum, sum Føroyar hava handilssáttmála við og hava bundið seg til ikki at seta í verk tiltøk, sum kunnu forða handli partanna millum ella eru kappingaravlagandi."</div><div><br></div><div>Tað ber í sær, at móttøkuskip undir íslendskum flaggi kunnu taka ímóti føroyskum makreli, uttan at avreiðingargjald á tvær krónur kilo verður kravt.</div>
