- Tíðindi, mentan og ítróttur
TF Holding vil hava Lív
<div>Ikki bara fakfeløg hava áhuga í Lív, tí TF Holding vil framvegis sleppa at keypa eftirlønarfelagið. TF Holding bjóðaði eisini, tá Vinnumálaráðið valdi at taka av tilboðnum frá BankNordik, sum var uppá 35 miljónir kr. </div><div><br></div><div>Regin Hammer, forstjóri í TF Holding sigur, at fortreytirnar fyri at reka pensjónsvirksemi í Føroyum eru munandi broyttar. Tí er tørvur á ávísum kanningum, áðrenn endalig støða verður tikin, um TF Holding skal standa við sítt tilboð, sum er grundað á táverandi útbjóðingartilfar frá Føroya Landsstýri.</div><div><br></div><div>- TF Holding hevur so boðað Vinnumálaráðnum frá, at felagið framvegis vil keypa Lív, sigur forstjórin.</div><div><br></div><div>Fleiri fakfeløg arbeiða við eini ætlan at geva Vinnumálaráðnum eitt tilboð upp á helvtina av Lív. Væntandi verður kanningararbeiðið hjá fakfeløgunum liðugt um mánaðarskiftið, og fakfeløgini geva ætlandi Vinnumálaráðnum sítt boð fyrst í mai.</div>
