- Tíðindi, mentan og ítróttur
Jarðfeingi: Orkudepilin ivasamur
<div><div>Verkætlanin hjá Orku- og Granskingardeplinum á Kambasdali er sera ivingarsom. Tað sæst í metingini hjá Jarðfeingi, sum ráðgevur landsstýrinum, tá stuðul skal latast til alternativar orkuverkætlanir.</div></div><div><br></div><div>Í játtanarkørmunum næsta ár eru 1,4 milliónir krónur settar av til orkudepilin, sjálvt um Jaðfeingi heldur, at raksturin er ivasamur. </div><div><br></div><div>Í fjør hótti Innlendismálaráðið við at smekka lokið á pengakassan. Í brævi til Rhesa, sum hevur tikið stig til depilin á Kambsdali, skrivaði Innlendismálaráðið, at orkudepilin fær góða hálva millión í stuðli, men at ráðið sum útgangsstøði ikki ætlar at stuðla verkætlanini á Kambsdali meira, tí at hon longu hevur fingið meira enn 4,5 milliónir krónur.</div><div><br></div><div>Men sjálvt um Jarðfeingi setir stórt spurnaðartekin við orkudepilin á Kambsdali, so tykist hetta ikki nerva landsstýrið og Vinnumálaráðið, sum hevur tikið yvir málsøkið. </div><div><br></div><div>Í øllum førum hevur landsstýrið gjørt av at seta 1,4 milliónir krónur av til orkudepilin á Kambsdali. Hetta stendur greitt tilskilað í búskaparfrágreiðingini til játtanarkarmarnar fyri 2013, sum landsstýrið hevur lagt fyri tingið.</div>
