- Tíðindi, mentan og ítróttur
Arbeiðsgevarar: Tilfeingisgjald í grunn, takk
<div>Tað er ein vandakós, um tilfeingisgjaldið verður brúkt til at fíggja raksturin hjá tí almenna. Tað ørkymlar Føroya Arbeiðsgevarafelag, at landsstýrið ætlar at marka tilfeingispengarnar til ávís endamál, og arbeiðsgevararnir mæla ístaðin til, at gjaldið fer í Búskapargrunnin.</div><div><br></div><div>Víst verður á vandan, at atlit serliga verða tikin til inntøkurnar á fíggjarlógini fyri komandi árið, heldur enn at tryggja eina burðardygga veiðu. Stór sveiggj kunnu vera í inntøkum frá tilfeingi ár undan ári. Tí verður torført at gera langtíðar fíggjarætlanir, har sum inntøkurnar frá tilfeingisgjaldi eru ein føst inntøka. </div><div><div><br></div><div>- Tað má ikki henda, at politiska skipanin fer at tillaga tilfeingisgjaldið eftir, hvussu nógv skal til fyri at fáa endarnar at røkka saman í almenna rakstrinum, heldur Føroya Arbeiðsgevarafelag.</div></div>
