- Tíðindi, mentan og ítróttur
Rætturin: Seravtalan var galdandi
<div>Tær 720.000 krónurnar, sum Fiskimannafelagið stevndi trotabúnum Faroe Fish II eftir, vera verandi í búnum. Tí Fiskimannafelagið hevur tapt sakarmálið í Føroya rætti. Felagið kann tó fara í Landsrættin við málinum.</div><div><div><br></div><div>Talan er um makrelfiskiskapin hjá ísfiskatrolaranum Lerki á sumri 2010. Av tí at hetta var fyrstu ferð, ísfiskatrolari fór at royna eftir makreli, varð gjørd ein seravtala um hýru millum reiðaríið og manningarfeløgini fyri yvirhøvur at fáa fólk. Eingin visti, um royndin eftir makreli fór at eydnast, og tí høvdu menn ongan serligan hug at mynstra. Tí varð gjørdur ein sersáttmáli, sum gav 1700 krónur um dagin. </div><div><br></div><div>Men makrelfiskiskapurin hjá Lerki eydnaðist stak væl. So væl, at bleiv manningin avroknað eftir galdandi sáttmála, hevði hon fingið nógv meira enn 1700 kr. um dagin. Fiskimannafelagið segði, at tað hevði onga seravtalu undirskrivað, og kravdi, at menninir fingu hýru sambært sáttmálanum.</div><div><br></div><div>Trotabúgvið Faroe Fish II arvaði trætuna millum reiðaríið og Fiskimannafelagið. Og fríggjadagin gav Føroya rættur trotabúnum viðhald. Seravtalan var galdandi fyri makrelfiskiskapin í 2010, sigur rætturin.</div></div>
