- Tíðindi, mentan og ítróttur
Útlendingamál kosta 3 mió kr um árið
<div>Verða útlendingamál yvirtikin, broytist virksemið hjá Útlendingastovuni frá bara at vera hoyringarmyndugleiki í málum um familjusameining og arbeiðs- og uppihaldsloyvi. Tá verður Útlendingastovan eisini avgerðarmyndugleiki í málum um innfararloyvi og friðskjól. </div><div><div> </div><div>Útlendingastovan skal tí hava trý stavsfólk afturat, ein fulltrúa og tveir málsviðgerar. Í onkrum føri verður neyðugt at keypa sakkunnleika uttanhýsis, eitt nú til at umseta umsóknir og kunningartilfar, sæst í svari frá Innlendismálaráðnum til Fíggjarnevndina, sum viðger játtanarkarmin fyri 2013.</div><div> </div><div>Neyðugt verður at hækka játtanina til Útlendingastovuna 2,2 mió kr., sigur Innlendismálaráðið. Neyðugt verður eisini at skipa eina Útlendingakærunevnd, sum kostar 900.000 kr. um árið. Millum annað skal ein løgfrøðingur setast at umsita kærumálini. Sum er kostar Útlendingastovan 2,2 mió. kr.</div><div><br></div><div>Útlendingastovan, sum varð stovnað 1. juli í 2008, skal undir Umhvørvisstovuna 1. juli í ár. Aftur í hesari tingsetuni er komið eitt uppskot um at yvirtaka útlendingamál og marknaeftirlit 1. januar í 2013. Tjóðveldi eigur tað uppskotið. </div><div><br></div><div>Í samgonguskjalinum stendur bara, at útlendingamál verða yvirtikin. Eingin dagfesting er sett á yvirtøkuna.</div></div>
