- Tíðindi, mentan og ítróttur
Byggilógin verður útsett
<div>Byggilógin kemur ikki í gildi 1.september í ár, sum landsstýrið ætlaði, men 1.apríl næsta ár. </div><div><br></div><div>Meirilutin í Rættarnevndini mælir til at útseta lógina, so kommunurnar fáa høvi til at fyrireika seg. </div><div><br></div><div>Meirilutin mælir eisini til, at landsstýrismaðurin í innlendismálum í seinasta lagi 1.apríl 2015 gevur løgtinginum frágreiðing um, hvussu lógin virkar, og kemur við uppskotum um møguligar broytingar. </div><div><br></div><div>Hetta ger meirilutin, tí nógv, sum eru hoyrd um lógaruppskotið, hava víst á ivamál. </div><div> </div><div>Javnaðarmenninir í Rættarnevndini, Kristin Michelsen og Gerhard Lognberg, mæla frá at samtykkja byggilógina.</div><div><br></div><div>Teir siga, at serkøn fólk vísa á, at millum annað sethúsabygging fer at kosta 25-30% meira, um lógin kemur í gildi.</div><div><br></div><div>Páll á Reynatúgvu í Tjóðveldi sigur í álitinum, at hann tekur støðu í tingsalinum. </div><div><br></div><div>Byggilógin ásetur reglur um bygging í Føroyum, millum annað krøv um dygd, trygd, bjálving og, at atlit verða tikin til heilsu og umhvørvi, tá bygt verður. </div><div><br></div><div>Eingin landsbyggireglugerð ella landsbyggikunngerð er galdandi í Føroyum. </div><div><br></div><div>Nýggja lógin gevur Innlendismálaráðnum heimild at gera kunngerðir um bygging.</div><div><br></div><div>Byggilógin hevur verið í tinginum fyrr, men datt málið burtur. Eftir løgtingsvalið í fjør heyst kom uppskotið aftur í tingið úr Innlendismálaráðnum. </div><div><br></div><div>Rættarnevndin hevur skrivað álit og onnur viðgerð er á tingfundinum í dag.</div><div><br></div><div>Innlendismálaráðið tekur undir við, at lógin kemur ikki í gildi fyrr enn 1.apríl næsta ár.</div><div><br></div><div><br></div>
