- Tíðindi, mentan og ítróttur
Ísland: Meirilutin ímóti ES-limaskapi
<div>Bara knappliga 28 prosent av fólkinum í Íslandi vilja, at Ísland gerst limur í ES. </div><div>54 prosent vilja ikki hava Ísland í ES, og 19 prosent hava onga støðu til spurningin.</div><div><br></div><div>Tað vísir ein veljarakanning, sum Rúnar Vilhjálmsson, professari í samfelagsfrøði á Universitetinum í Reykjavík, hevur gjørt. </div><div><br></div><div>Eisini millum veljarar hjá flokkinum Tey Vinstru grønu, sum er í ríkisstjórnini, er stórur meiriluti móti limaskapi. </div><div><br></div><div>Flokkurin gjørdi semju við hin stjórnarflokkin, Samfylkingina, um at fara undir samráðingar við ES um limaskap.</div><div><br></div><div>Hjá veljarunum hjá Samfylkingini er meiriluti fyri limaskapi. </div><div><br></div><div>Millum annað støðan hjá ES í makrelmálinum ger, at undirtøkan fyri ES-limaskapi er so lítil í Íslandi.</div><div><br></div><div>Men búskaparliga kreppan, sum ES er í, ræðir eisini nógvar íslendingar.</div><div><br></div><div>Bera samráðingarnar millum ES og íslendsku stjórnina um limaskap á mál, verður fólkaatkvøða í Íslandi um úrslitið.</div>
