- Tíðindi, mentan og ítróttur
Bókavørður: Bókasøvnini pressað
<div>Landsbókasavnið hevur ilt við at røkja allar skyldurnar og uppgávurnar, álagdar eru savninum í bókasavnslógini. Serliga, tá talan er um at savna inn og goyma ta alsamt øktu nøgdina av talgildum útgávum og útgávum á internetinum. Landsbókasavnið hevur eisini brúk fyri meira plássi at goyma bøkur og annað bókasavnstilfar, eisini talgilt tilfar.</div><div><br></div><div><div>Tað skrivar Erhard Jacobsen, leiðari á Føroya Landsbókasavni, í ársfrágreiðingini fyri 2011. Hann skrivar, at alment bókasavnsvirksemi er undir trýsti. Orsakirnar eru nógvar, so sum trongir fíggjarkarmar, størri kunningarnøgdir og nýggir útgávuhættir, skjót menning á kt-økinum, meira talgilt tilfar og fleiri og meiri krevjandi brúkarar.</div><div> </div><div>Landsbókasavnið lænti út 23.000 bøkur og annað tilfar í fjør. Hetta var meira enn árið fyri. Og útlánið hjá teimum 17 fólkabókasøvnunum vaks tíggju prosent tey tvey árini frá 2009 til 2011.</div></div>
