- Tíðindi, mentan og ítróttur
Ivasamt skattauppskot samtykt
<div>Samgongan hevur samtykt eina broyting í skattalógini, sum sambært løgfrøðiliga serkunnleikanum hjá Løgtingsskrivstovuni er brot á stýriskipanarlógina. Somuleiðis sigur Innlendismálaráðið, at lógarbroytingin er brot á bæði grundlógina og stýriskipanarlógina. Løgtingsskrivstovan mælti løgtingsformanninum til at biðja tingið vísa burtur einum uppskoti hjá Jørgeni Niclasen, landsstýrismanni, um eina broyting í skattalógini. Men tað gjørdi tingið ikki. </div><div><div><br></div><div>Løgtingsskrivstovan vísir til stýriskipanarlógina, sum sigur, at "eingin beinleiðis ella óbeinleiðis skattur má verða álagdur, broyttur ella avtikin uttan við løgtingslóg.? Lógarbroytingin, sum løgtingið hevur samtykt, gevur, sambært Løgtingsskrivstovuni, landsstýrismanninum heimild til at broyta skattastigan við kunngerð.</div><div><br></div><div>Løgtingsskrivstovan sigur, at stýrisskipanarlógin skal verja rættartrygdina hjá skattaborgaranum. Skattaborgarin skal hava møguleika til altíð at gjøgnumskoða, hvønn skatt hann skal rinda. Men sambært nýggju lógarbroytingini er ikki greitt fyri skattaborgaran, hvønn skatt, hann skal rinda.</div><div><br></div><div>Løgfrøðingarnir hjá Fíggjarmálaráðnum eru ikki samdir við starvsfelagarnar hjá Innlendismálaráðnum og løgtinginum, og tí varð uppskotið lagt fram 23. februar. Tá samgongan samtykti uppskotið eftir aðru viðgerð, kærdi andstøðan Jørgen Niclasen, landsstýrismann í fíggjarmálum, til landsstýrismálanevndina fyri brot á stýriskipanarlógina.</div></div>
