- Tíðindi, mentan og ítróttur
Eftirlitið skal kanna bankarnar
<div>Í uppskotinum um eykajáttanarlóg, sum verður lagt fram í morgin, verður biðið um 100.000 kr. í eykajáttan til eina kanning, sum skal byrja í ár og verða liðug næsta ár. Kanningin er mett at kosta eina millión krónur. Kappingareftirlitið skal gera kanningina við uttanhýsis hjálp. </div><div><div><br></div><div>Endamálið við kanningini er at fáa staðfest, um kostnaðarstigið í Føroyum er so høgt, at peningastovnarnir noyðast at hava tey ómaksgjøld og tær rentur, sum teir hava, ella um vantandi kapping er orsøkin. Kappingareftirlitið hevur samanborið peningastovnar í Føroyum og í Danmark, og munurin á ómaksgjøldum og rentum er stórur. Kappingareftirlitið megnar ikki einsamalt at kanna kappingina millum bankarnar í Føroyum og hevur tí biðið um eykajáttan. </div><div><br></div><div>Nógvar atfinningar hava verið at peningastovnunum fyri høgar útlánsrentur, dýr ómaksgjøld og kostnaðin í sambandi við realkredittlán. Peningastovnarnir halda uppá, at teir fáa ikki gjørt tað bíligari. </div></div>
