- Tíðindi, mentan og ítróttur
Brúkaraumboðið skal eisini kanna bankar
<div>Brúkaraumboðið verður eisini við, nú ómaksgjøldini og renturnar hjá peningastovunum skulu kannast.</div><div><br></div><div>Og Brúkaraumboðið skal bera ein fjorðing av útreiðslunum til kanningina, sigur Vinnumálaráðið, sum hevur biðið um 100.000 kr. í eykajáttan til Kappingareftirlitið.</div><div><br></div><div>Brúkaraumboðið skal hava tann partin, sum eitur brúkaravernd og upplýsing til teirra, sum brúka peningastovnarnar. </div><div><br></div><div>Kanningin er mett at kosta eina millión, so kostnaðurin hjá Brúkaraumboðnum verður 250.000 kr.</div><div><br></div><div>Sambært Vinnumálaráðnum vil Kappingareftirlitið sleppa at kanna kostnaðarstigið hjá peningastovnunum fyri at meta um høgu ómaksgjøldini og høga rentustigið í Føroyum kunnu grundgevast við serliga høgum kostnaðarstigi í Føroyum, ella um orsøkin er vantandi kapping. </div><div><br></div><div>Í kanningini verður viðgjørt, hvussu raksturin hjá føroysku peningastovnunum er samanborin við sambæriligar </div><div>danskar peningastovnar, og ítøkiliga greinað, hvat einstøku tænasturnar í veruleikanum kosta føroysku peningastovnunum.</div><div><br></div><div>Ein útlendskur serfrøðingur verður settur í hálvt starv at gera greiningina. </div><div><br></div><div>Arbeiðið byrjar í ár og skal vera liðugt næsta ár. </div><div><br></div>
