- Tíðindi, mentan og ítróttur
Meira í minstuløn
<div>1. juni hækkar minstalønin hjá fiskimonnum 133 krónur um dagin. Hon fer úr 700 krónum upp í 833 kr. Og mánaðarligi minstiforvinningurin til útróðrarmenn hækkar 1200 krónur, upp í 13.200 krónur .</div><div><div><br></div><div>Landsstýrismaðurin í fiskivinnumálum hevur broytt kunngerðina um inntøkutrygd og forskotskipan eftir áheitan fra stýrinum í Trygdargrunni fiskivinnunnar. Stýrið heldur, at grunnurin tolir, at útgjøldini hækka, men fyri at binda um heilan fingur er hækkingin í fyrsta umfari galdandi í eitt ár, til 1. juni næsta ár. </div><div><br></div><div>Treytin fyri at fáa minstaforvinning er eisini broytt. Sambært kunngerðini skal báturin hava avreitt í minsta lagi fyri í miðal kr. 200.000 fyri hvønn tilmeldaðan persón seinastu seks mánaðirnar frammanundan. Hetta verður lækkað niður í 150.000 kr. 1. juni.</div><div> </div><div>Stýrið í Trygdargrunninum heitti á Fiskimálaráðið um at broyta kunngerðina og hækka útgjaldið. Og tað hevur landsstýrismaðurin í fiskivinnumálum nú gjørt.</div></div>
