- Tíðindi, mentan og ítróttur
Kinverjar gera íløgur fyri milliardir í Grønlandi
<p>Bretska námsvinnufelagið London Mining, sum kinverjar eiga, er til reiðar at gera íløgur fyri 12 milliardir krónur í eitt jarnmám í Isukasia við Godthåbsfjørðin, eystan fyri Nuuk.</p><div><br></div><div>Sermitsiaq skrivar, at felagið fer at senda ráevnismyndugleikunum endaliga umsókn fyri summarfrítíðina. Umsóknin fer síðani til hoyringar, áðrenn sjálvstýrismyndugleikarnar taka endaliga støðu.</div><div><br></div><div>Sermitsiaq skrivar, at fær felagið loyvi at útvinna jarnmálm, kann grønlendski landskassin vænta at fáa eina eina milliard krónur í partafelagsskatti. At rigga námið til krevur nógvar hendur, og tað hevur týdning, nú arbeiðsloysið í Grønlandi er so stórt. </div><div><br></div><div>Men í politiska landslagnum í Grønlandi eru ikki øll so fegin um ætlanina, tí tey ræðast beinharða politikkin hjá kinverjum, tá ið ræður um námvinnu.</div><div><br></div><div>Kaj Kleist, kunningarleiðari í London Mining, sigur við Børsen, at tað eru einans kinverjar, sum hava eina tvísiffraða milliardaupphædd at seta í verkætlanina.</div><div><br></div><div><br></div><div><br></div><div><br></div>
