- Tíðindi, mentan og ítróttur
Fáa meiri við norskum veitingarskipum
<div>Føroyingar, sum sigla við norskum veitingarskipum, fáa munandi betri sømdir enn føroysku starvsfelagarnir, ið sigla við føroyskum veitingarskipum undir FAS-skipanini, verður uppskotið at gera broytingar í skattalógini samtykt.</div><div><br></div><div>Tað vísa útrokningar, sum ein grannskoðari hevur gjørt fyri Supply Service.</div><div><br></div><div>Tað er landsstýrismaðurin í fíggjarmálum, sum hevur lagt uppskotið um broytingar í skattalógini fyri tingið.</div><div><br></div><div>Uppskotið snýr seg um at gera greiðari reglur í sambandi við skatting av inntøkum hjá teimum gott og væl túsund føroyingunum, ið sigla og arbeiða uttanlands, og at gera fyrisitingina einfaldari.</div><div><br></div><div><b>Samdøgursfrádráttur hvørvur</b></div><div><br></div><div>Umframt at gera ferðaseðilin millum bústaðin í Føroyum og arbeiðstaðið uttanlands skattafrían, skal skattafrádrátturin gerast einfaldari og betri til tess at forða fyri, at føroyingarnir flyta av landinum, sum harvið missir skattainntøku.</div><div><br></div><div>Sambært uppskotinum skal samdøgursfrádrátturin strikast. Harvið missa føroyingarnir 300 krónur fyri samdøgrið. Í staðin kunnu teir flestu ugga seg við einum størri skattafrádrátti. </div><div><br></div><div>Í framtíðini fáa allir føroyingar, ið arbeiða uttanlands - bæði á sjógvi og landi - ein skattafrádrátt, sum svarar til 30 prosent av inntøkuni - tó í mesta lagi 150.000 krónur árliga. Tað eru umleið 60.000 krónur meiri enn tær stívu 90.000 krónurnar, sum føroyingarnir í mesta lagi fáa í skattafrádrátti í dag.</div><div><br></div><div><b>Fáa meiri í Noregi</b></div><div><br></div><div>Ein føroyingur, sum fær 600.000 krónur í hýru um ári við norskum veitingarskipi uttan fyri norskt øki, fær við lógarbroytingini eina skattalækking upp á góðar 60.000 krónur - tað eru 5.000 krónur um mánaðin.</div><div><br></div><div>Og árliga hevur hann samstundis næstan 70.000 krónur meiri at ráða yvir eftir skatt samanborið við starvsfelagan, sum siglir við føroyskum veitingarskipi undir FAS-skipanini, ið ikki er fevnd av lógarbroytingini, vísa útrokningarnar, sum Supply Service hevur latið gjørt.</div><div><br></div>
