- Tíðindi, mentan og ítróttur
Sóu nógva sild norðanfyri
<p>Væl meiri av sild er norðan fyri Føroyar í ár enn undanfarin ár, men eingin makrelur.</p><div><br></div><div>Tað vísa kanningarnar, sum Havstovan hevur gjørt við Magnusi Heinasyni.</div><div><br></div><div>Sildin stóð víða á kanningarøkinum, og er sum ein lind á 10-50 metra dýpi. Um dagin tekur hon seg saman í smáar torvur á 250 til 300 metra dýpi. Sildin stendur tættast í útnyrðingspartinum, sigur Jan Arge Jacobsen, fiskifrøðingur á Havstovuni.</div><div><br></div><div>Nakað meiri av svartkjafti var eisini at síggja samanborið við í fjør. Hetta samsvarar við fyribils kanningarúrslitini vestan fyri Bretsku Oyggjarnar fyrr í vár. Smáur svartkjaftur (2009-árgangurin) var eisini at síggja, men tó var nærum einki at síggja úti á víðum havi.</div><div><br></div><div><b>Eingin makrelur</b></div><div><br></div><div>Var nógv sild at síggja, er øðrvísi við makrelinum, tí eingin makrelur er at síggja norðanfyri í ár. Í fjør var makrelurin komin norður á 64 stig og 30 hesa tíðina. Gongdin seinastu árini hevur annars verið, at makrelurin hesa tíðina er komin longri norður og vestur, sigur Jan Arge Jacobsen.</div><div><br></div><div>Kanningin hjá Havstovuni er skipað sum altjóða kanning undir ICES, har Føroyar, Noreg ES og Ísland eru við. Úrslitini frá Magnusi Heinasyni verða løgd saman við úrslitunum frá hinum londunum í kanningini í juni, tá endalig frágreiðing verður skrivað.</div>
