- Tíðindi, mentan og ítróttur
Bíðaði í sjey ár eftir stovnsplássi
<div>Almannastovan brúkti sjey ár um at finna einari gentu pláss á stovni.</div><div><br></div><div>Og tað er ikki í lagi, heldur Løgtingsins umboðsmaður.</div><div><br></div><div>Løgtingsins umboðsmaður fekk hálvan februar í 2010 eina klagu frá einari kvinnu um, at dóttir hennara hevði bíðað í meira enn fimm ár eftir einum stovnstilboði. </div><div><br></div><div>Hálvan april í ár er málið loyst, og gentan er nú sloppin á stovn í Danmark.</div><div><br></div><div>- Hóast málið nú sum skilst er loyst, haldi eg, at hetta mál gevur mær orsøk til at heita á Almannastovuna um skjótast gjørligt at gera nakrar greiðar mannagongdir fyri, hvussu slík mál skulu handfarast, støðulýsingar og metingar av hvørjar upplýsingar skulu fáast til vegar, áðrenn ein ítøkilig málsviðgerð verður byrjað, sigur Umboðsmaðurin. </div><div><br></div><div>Ein slík mannagongd hevði stytt munandi um málsviðgerðartíðina í hesum máli, sigur Løgtingsins umboðsmaður í sínari niðurstøðu. </div><div> </div><div><br></div><div> </div><div><br></div>
