- Tíðindi, mentan og ítróttur
ES: Grikkaland kann siga evruni farvæl
<div>ES og Evropeiski Miðbankin fyrireika seg til, at Grikkaland fer burturúr evrusamstarvinum.</div><div><br></div><div>Tað váttar handilsráðharrin í ES, Karel De Gucht, í samrøðu við belgiska blaðið, De Standard.</div><div><br></div><div>- Fyri hálvum øðrum ári síðani hevði støðan verið sera trupul, um Grikkland fór burturúr evrusamstarvinum, men nú verður arbeitt við eini bjargingarloysn, um tað vísir seg, at Grikkaland ikki klárar seg, sigur Karel De Gucht.</div><div><br></div><div>Tað er fyrstu ferð, at ein embætismaður í ovastu leiðsluni í ES váttar, at ES fyrireikar seg til at Grikkaland fer burturúr samstarvinum um evruna.</div><div><br></div><div>Politiska støðan í skuldartyngda Grikkalandi er óstøðug. </div><div><br></div><div>Tað er ikki eydnast at skipa eina stjórn, sum kann taka undir við krøvunum sum ES og Altjóða Valutagrunnurin, IMF, seta Grikkalandi, so landið kann fáa miljardir í hjálp.</div><div><br></div><div>Uttan bjargingarætlanina frá ES og IMF, fer Grikkaland á húsagang.</div><div><br></div><div>Grikska tjóðartingið varð fyrraparitn sent til hús, tí ætlanin er at halda nýval í Grikkalandi í juni.</div>
