- Tíðindi, mentan og ítróttur
Facebook skrásett á Wall Street í dag
<div>Seinnapartin verður Facebook skrásett á partabrævamarknaðinum í New York, og talan er um nógv størsu skrásetingina, sum kemur frá hátøkniliga økinum í Silikon Valley.</div><div><br></div><div>Talan er um eina stóra fyritøku, tí virðið á Facebook verður mett til 104 miljardir dollarar, og 900 miljónir fólki nýta Facebook, vísir ein kanning sum júst er gjørd.</div><div><br></div><div>Tað var tann tá 19 ára gamli Mark Zuckerberg, sum í 2004 fór undir at menna Facebook, til tað sum hon er kend fyri í dag.</div><div><br></div><div>Í 2006 sluppu øll at nýta Facebook, og undan tí hevði Viacom boðið 8,75 miljardir kr., fyri portalin.</div><div><br></div><div>Síðani gekk skjótt, í 2006 nýttu 12 miljónir fólk Facebook, í 2007 58 miljónir, og í 2008 legði Facebook seg fremst millum sosialu portalarnar, tá brúkaratalið fór uppum 100 miljónir fólk.</div><div><br></div><div>Síðani hevur gingið støðugt framá, og talið av brúkarum vaks uppí 390 miljónir frá 2009 til 2011, og nú vísir seinasta uppgerðin, at 900 miljónir fólk nýta Facebook.</div>
