- Tíðindi, mentan og ítróttur
Fáa makrel fyri ófiskaðar rækjur
<div>"Vit vilja hervið søkja um loyvi til m/s Varðborg at fiska makrel í føroyskum sjógvi í 2012."</div><div><br></div><div>Umsóknin frá partafelagnum Thor í Hósvík, dagfest 30. apríl 2012, kann gerast gull verd fyri reiðaríið. Tí soleiðis, sum Fiskimálaráðið ætlar at býta makrelin millum skipabólkarnar, er einki til hindurs fyri, at skip fáa makrel afturfyri fisk, tey ongantíð hava fiskað.</div><div><br></div><div>Einasta, skrivliga tilfar, ið liggur til grund fyri býtið av makrelinum millum ymsu skipabólkarnar, er sonevnda makrelkunngerðin, sum er send til hoyringar og væntandi verður lýst fyrsta dagin, umframt eitt upprit um somu kunngerð. Yvirskipað býtir kunngerðin føroysku eginkvotuna í átta bólkar: nótaskip, ídnaðarskip, flakatrolarar, verksmiðjuskip, rækjuskip, ísfiskatrolarar, línuskip og trolbátar. </div><div><br></div><div>Burtursæð frá nótaskipunum fáa allir aðrir bólkar tillutaða eina sonevnda "felagskvotu við hámarki", tað er, at allir bátar í bólkinum í prinsippinum fáa líka nógv í sín part.</div><div><br></div><div><b>Rækjuloyvi í NAFO-økinum</b></div><div><br></div><div>Men latum okkum venda aftur til makrelumsóknina frá Varðborg, dagfest 30. apríl.</div><div><br></div><div>11. mai í ár fekk Varðborg útskrivað fiskiloyvi til rækjuveiðu í NAFO-øki 3L. Sambært makrelkunngerðini skulu 8.000 tons av makreli latast fiskiførum, sum í 2012 hava rætt til fiskiloyvi til rækjur við Svalbard og í NAFO-økinum. Fiskivinnustovan undir Fiskimálaráðnum váttar fyri útvarpinum, at henda áseting í kunngerðini merkir, at eitt fiskiloyvi til rækjuveiðu í NAFO-øki 3L lýkur treytirnar í makrelkunngerðini. Sostatt er Varðborg eitt rækjuskip við rætti til makrel.</div><div><br></div><div>12. mai í ár fekk Varðborg útskrivað eitt sonevnt royndarloyvi eftir gággu á Føroya Banka. Sambært makrelkunngerðini skulu 8000 tons av makreli latast línuskipum. Men í hesum bólki eru eisini útróðrarbátar, garnaskip og "fiskifør, sum hava fiskiloyvi til skeljadjór í føroyskum sjógvi". Harumframt hevur Varðborg loyvi til fiskiskap eftir krabba í føroyskum sjógvi. Sostatt er Varðborg ein skeljabátur við rætti til makrel.</div><div><br></div><div>Varðborg er bara eitt dømi úr rúgvuni.</div><div><br></div><div><b>Allir skipabólkar við</b></div><div><br></div><div>Sambært uppritinum, sum liggur til grund fyri makrelkunngerðina, er "politisk semja um, at allir skipabólkar og øll fiskifør undir føroyskum flaggi, skulu hava møguleika at fiska makrel í 2012.</div><div><br></div><div>Fiskimálaráðið nevnir tó einki um, á hvørjum grundarlag býtt verður. Tí hevur eitt rækjuskip, sum ongantíð hevur fiskað rækjur, líka góðan rætt til makrel sum eitt rækjuskip, sum fiskar rækjur.</div><div><br></div><div>Afturvendandi argumentatiónin um, at makrelur verður latin aftur fyri mista veiðu av øðrum fiskasløgum, kann ikki brúkast. Tí í makrelkunngerðini og uppritinum til somu kunngerð er eingin áseting um, at skip skulu kunna vísa á, hvat tey í verleikanum hava mist, tá tey biðja um makrel. </div><div><br></div><div>Fiskimálaráðið hyggur ikki at veiðutølum. Tá makrelloyvið er útskrivað, eru allir bátar eins, og allir fáa líka nógv - sama hvat teir annars hava fiskað, ella um teir yvirhøvur hava fiskað.</div><div><br></div><div>Í sama uppriti til makrelkunngerðina skrivar Fiskimálaráðið einans, at "inntøkugrundarlagið hjá nógvum skipabólkum verður betri við tað, at flestu fiskifør í føroyska flotanum fáa møguleika at fiska makrel."</div><div><br></div><div><br></div>
