- Tíðindi, mentan og ítróttur
Summarsending í staðin fyri Dag og Viku
<p>Tíðindasendingin í sjónvarpinum, "Dagur og Vika," fer í summarfrí frá 25. juni til 13. august, og hesar sjey vikurnar kemur ein summarsending á skránna eina ferð um vikuna í staðin - hvørt fríggjakvøld. </p><div><br></div><div>Liljan Weihe, tíðindaleiðari í Kringvarpinum, sigur, at hetta stigið er tikið, tí fíggjarliga orkan á tíðindadeildini ikki gevur rúm fyri regluligum tíðindasendingum í sjónvarpinum í summar, uttan at tað fer at raka tíðindaflutningin seinni í ár.</div><div><br></div><div>Í summarsendingini, sum ikki hevur fingið nakað heiti enn, verða Finnur Koba og Eydna Skaale vertir. Sigrún Halldórsdóttir Brend verður redaktørur.</div><div><br></div><div>Liljan Weihe sigur, at í summarsteðginum verður leisturin í "Degi og Viku" endurskoðaður. "Dagur og Vika" verður aftur á skíggjanum 13. august, og tá verður sendingin eftir ætlan dagførd, sigur tíðindaleiðarin í Kringvarpinum.</div><div><br></div><div><br></div>
