- Tíðindi, mentan og ítróttur
Fer undir fimta mánaðin í varðhaldinum
<div>Ungi maðurin, sum er skuldsettur fyri fýra neyðtøkuroyndir, fer nú undir sín fimta mánað í varðhaldinum í Mjørkadali.</div><div><br></div><div>Varðhaldsfongslingin varð aftur í dag longd fýra vikur, til 22.juni, dagin fyri, skuldsetti maðurin fyllir 20 ár. Bíðað verður framvegis eftir mentalkanningini, men fútin hevur fingið at vita, at kanningin verður liðug hálvan juni.</div><div><br></div><div>Politiið er at kalla liðugt við sínar kanningar. </div><div><br></div><div>Tá mentalkanningin kemur, skal støða takast til, um hon skal leggjast fyri Rættarlæknaráðið. Skal hon ikki tað, kann ákæruritið skrivast stutt eftir, at fútin fær mentalkanningina. </div><div><br></div><div>Hvørki verjin ella skuldsetti maðurin høvdu nakra stórvegis viðmerking um kravið hjá ákæruvaldinum um at leingja varðhaldsfongslingina enn einaferð.</div><div><br></div><div>Maðurin segði, at hann vil bara hava málið avgreitt sum skjótast.</div><div><br></div>
