- Tíðindi, mentan og ítróttur
Realurin slakar 40 mió. kr. í avlopi
<div>Realurin hevði 38,4 mió. kr. í vinningi eftir skatt roknskaparárið 2011-2012.</div><div><br></div><div>Tað eru slakar fýra milliónir meira enn árið fyri, og 6,5 milliónir betri enn rakstrarætlanin segði.</div><div><br></div><div>Stjórnin í Realinum hevur inntøkuført sjey milliónir, sum annars vórðu settar av móti tapi, tí støðan hjá lántakarunum er batnað. Avsetingarnar móti tapi vóru 53,2 milliónir tann 31.mars.</div><div><br></div><div>Tann 31.mars í ár vóru útlánini hjá Føroya Realkredittstovni 800 mió. kr. </div><div><br></div><div>Í seinasta roknskaparári veitti Realurin 31 lán, 30 nýggj og eitt varð umfíggjað. 65 lán vórðu goldin, áðrenn lánitíðin var farin. </div><div><br></div><div>Eginpeningurin er slakar 760 mió. kr. </div><div><br></div><div>Realurin roynir at minka váðan við at býta lánini millum skipabólkarnar. Síðani í fjør sleppur Realurin eisini at lána til farmaskip. Stór broyting er í bólkinum frálandaskip, har eru lánini farin úr sløkum sjey prosentum upp í 20 prosent av øllum útlánunum. </div>
