- Tíðindi, mentan og ítróttur
Tepur meiriluti fyri uppboðssølu
<div>Ein tepur meiriluti av løgtinginum tók seinnapartin undir við, at partur av makrelinum í summar skal seljast á uppboði.</div><div><br></div><div>Andstøðuflokkarnir - Javnaðarflokkurin, Tjóðveldi og Framsókn - áttu í felag broytingaruppskotið í vinnunevndini um, at 23.000 tons av føroysku makrelkvotuni skal seljast á uppboði.</div><div><br></div><div>13 andstøðulimir atkvøddu fyri hesum broytingaruppskoti - og saman við teimum tríggir samgongulimir, Jenis av Rana og Bill Justinussen úr Miðflokkinum, og Eivind Jacobsen úr Sambandsflokkinum.</div><div><br></div><div>Jacob Vestergaard, landsstýrismaður í fiskivinnumálum, hevur longu orðað uppskot til kunngerð, har føroyska eginkvotan av makreli verður býtt. Verður uppboðssøla av 23.000 tonsum endaliga samtykt, noyðist Jacob Vestergaard at býta makrelin av nýggjum. </div><div><br></div><div>- Eg fari at halda meg til tað, sum verður endaliga samtykt við 3. viðgerð hósdagin, og so má eg taka støðu út frá tí. Tað er einasta viðmerkingin hjá Jacobi Vestergaard í kvøld.</div><div><br></div><div>Kaj Leo Holm Johannesen, løgmaður, sigur, at tað er ikki í lagi, at samgongulimir atkvøða, sum teir gjørdu í dag. Samgongufundur verður um málið í morgin, og tá verður farið at telja, hvussu nógvir flokkar eru í samgonguni, sigur løgmaður.</div><div><br></div><div>Makrelmálið kemur til endaliga viðgerð á tingfundi hósdagin.</div><div><br></div><div><br></div><div><br></div><div><br></div><div><br></div><div><br></div><div><br></div><div><br></div><div><br></div>
