- Tíðindi, mentan og ítróttur
Poul Michelsen: Posta undirgrevur kappingina
<div>Tað ber ikki til, at Posta framhaldandi fyri almennan pening skal sleppa at undirgrava kappingina á flutningsmarknaðinum. </div><div><br></div><div>Tað heldur Poul Michelsen, løgtingsmaður, sum hevur sett Johan Dahl, landsstýrismanni, átta spurningar um Posta. </div><div><br></div><div>Og Posta fær av at vita frá formanninum í Framsókn.</div><div><br></div><div>Poul Michelsen spyr millum annað, um Posta sleppur at hava undirskot, til øll eginognin er brúkt, uttan at nakar talar at. Poul Michelsen vil hava at vita frá Johan Dahl, hví Posta ikki skal rekast eftir somu treytum sum privatu flutningsfyritøkurnar, Posta kappast við. Og hvørji avrikskrøv, landsstýrið ætlar at seta Posta í framtíðini. </div><div><br></div><div>Løgtingsmaðurin heldur, at Posta hevur prógvað, at almenna partafelagið klárar ikki at kappast, men virksemið heldur kortini ótarnað fram. </div><div><br></div><div>Poul Michelsen vil eisini hava at vita frá Johan Dahl, um hann heldur tað vera í lagi, at Posta seinastu fimm árini hevur brúkt yvir 20 mió. kr. til at kappast við privatu feløgini. Harafturat fær Posta sum ískoyti til raksturin rættiliga stórar inntøkur av at leiga út bygningin við Óðinshædd í Havn, sigur Poul Michesen.</div><div><br></div><div><br></div>
