- Tíðindi, mentan og ítróttur
Royna semju fyri tingfundin í morgin
Fyri løtu síðani endaði samgongufundurin í Tinganesi, men tað er framvegis ógreitt, um allir samgongutingmenninir fara at atkvøða fyri broytingaruppskotinum í makrelmálinum, sum verður lagt fram við triðju og endaligu viðgerð í morgin.<div><br></div><div>Kaj Leo Holm Johannesen, løgmaður, sigur, at nú fara limirnir í makrelbóllkinum og samgongutingmenninir í vinnunevndini at orða eitt broytingaruppskot. Hvat fer at standa í broytingaruppskotinum vil løgmaður einki siga um. </div><div><br></div><div>Tá uppskotið frá andstøðuflokkunum í vinnunevndini um at selja ein part av makrelinum á uppboðssølu var til atkvøðugreiðslu við aðru viðgerð í gjár, atkvøddu báðir tingmenninir hjá Miðflokkinum og Eivin Jacobsen úr Sambandsflokkinum fyri, og tí varð uppskotið samtykt við teprum meiriluta.</div><div><br></div><div>Tað elvdi til rumbul í samgonguni, sum fór á fund um støðuna seinnapartin. </div><div><br></div><div>Løgmaður sigur í kvøld, at tá makrelmálið kemur til triðju viðgerð í morgin, fer øll tingmanningin hjá Sambandsflokkinum at atkvøða fyri broytingaruppskotinum. Hinvegin er ikki greitt, hvussu eitt nú tingmenninir hjá Miðflokkinum, Jenis av Rana og Bill Justinussen, fara at atkvøða. Men tað skilst á lagnum, at alt verður gjørt til tess at røkka eini semju í samgonguni fyri tingfundin í morgin, sum byrjar klokkan 13.30.</div><div><br></div><div><br></div><div><br></div>
