- Tíðindi, mentan og ítróttur
Spardur peningur nýtast at kanna ómaksgjøld
<div>Tær 330.000 kr., sum Strandferðslan sparir, tá hon sleppur undan umhvørvisavgjaldinum á tungolju, eigur Kappingarráðið at fáa til at kanna ómaksgjøldini og kostnaðarstigið annars hjá peningastovnunum.</div><div><br></div><div>Tað halda andstøðufólkini í Fíggjarnevndini, sum hevur skrivað álit um uppskotið hjá landsstýrinum um eykajáttanarlóg.</div><div><br></div><div>Í uppskotinum biður Vinnumálaráðið um 100.000 kr. til at byrja kanningina. Minnilutin vil leggja 330.000 kr. afturat, nú tær verða spardar aðrastaðni. Kanningin, sum skal byrja í ár og vera liðug næsta ár, er mett at kosta eina millión. </div><div><br></div><div>Ætlanin er at kanna kostnaðarstigið hjá peningastovnunum fyri at meta, um ómaksgjøldini og rentustigið í Føroyum kunnu grundgevast við serliga høgum kostnaðarstigi í Føroyum, ella um orsøkin er vantandi kapping. </div><div><br></div><div>Meirilutin í Fíggjarnevndini mælir til at brúka tær 330.000 kr., sum Strandsferðslan sparir, til orkumál, so Orkudepilin á Kambsdali verður ávegis avgreiddur.</div><div><br></div><div>18,2 milliónir krónur verða fluttar í fíggjarlógini sambært uppskotinum hjá landsstýrinum um eykajáttanarlóg. </div><div><br></div><div>Uppskotið kostar ikki landskassanum meira enn fíggjarlógin ger, tí allar eykajáttanir eru útreiðsluneutralar.</div><div><br></div>
