- Tíðindi, mentan og ítróttur
Eingin uppboðssøla av makreli í ár
<p>Løgtingið er farið undir triðju viðgerð av lógaruppskotunum, sum skulu stýra makrelfiskiskapinum í summar.</p><div><br></div><div>Fýra broytingaruppskot eru løgd fram, tvey frá samgongutinglimum og tvey frá andstøðutinglimum.</div><div><br></div><div>Samgongulimirnir í vinnunevndini, Alfred Olsen, Bjarni Djurholm, Hanus Samró og Jógvan Skorheim, skjóta upp at avtaka ásetingina um uppboðssølu, tí samgongan er samd um, at eingin makrelur skal seljast á uppboðssølu í ár.</div><div><br></div><div>Skipanin við uppboðssølu er tó ikki slept, tí ein partur av arbeiðssetninginum um at dagføra lógina um vinnuligan fiskiskap snýr seg um uppboðssølu, siga teir fýra samgongumenninir, sum hava lagt broytingaruppskotið fram.</div><div><br></div><div>Sagt verður í viðmerkingunum til uppskotið, at arbeiðsbólkurin skal verða mannaður við umboðum fyri allar flokkar á tingi. Arbeiðsbólkurin skal ganga alla loyvisskipanina ígjøgnum og gera neyðugar broytingar.</div><div><br></div><div>Endamálið við tí er at tryggja, at greiður ræðisrættur er knýttur at veiðiloyvum, fiskidøgum og kvotum, herundir um veiðirættindi skulu seljast á uppboðssølu, verður sagt í viðmerkingunum til uppskotið.</div><div><br></div><div>Nær atkvøtt verður í málinum er ikki greitt enn, men løgmaður hevur sagt, at tað er eitt krav, at øll samgongufólk atkvøða fyri broytingaruppskotinum. </div>
