- Tíðindi, mentan og ítróttur
Játtanin til Tekniska skúla í Klaksvík skal halda
<div>Játtanin skal halda. </div><div><br></div><div>Annars vil Fíggjarnevndin ikki mæla løgtinginum til at játta 36 mió. kr. til at útbyggja Tekniska skúla í Klaksvík.</div><div><br></div><div>Í áliti sínum um uppskotið hjá Bjørn Kalsø, landsstýrismanni við mentamálum, leggur ein samd Fíggjarnevnd áherðslu á, at ein greið byggiskrá og ein endalig forverkætlan eru gjørdar, áðrenn farið verður víðari við verkætlanini. </div><div> </div><div>Harafturat skal landsstýrismaðurin tryggja, at verkætlanin ikki kostar meira enn 36 milliónir krónur, tá alt er tikið við, eisini prosjektering og innbúgv. Innbúgv er ikki við í uppskotinum hjá Bjørn Kalsø, landsstýrismanni. </div><div><br></div><div><b>Útbyggingin samskipast </b></div><div><br></div><div>Fíggjarnevndin áleggur eisini landsstýrismanninum við mentamálum at samskipa útbyggingina av Tekniska skúla í Klaksvík við umbygging og útbygging av miðnámsskúlunum á Kambsdali. </div><div><br></div><div>Serliga týðandi er at tryggja, at hølisviðurskiftini í Klaksvík og á Kambsdali verða gjørd samsvarandi tí undirvísing, sum skal vera á hesum støðum í framtíðini, sigur Fíggjarnevndin. </div><div><br></div><div>Treytað av øllum hesum, tekur ein samd Fíggjarnevnd undir við verklagslógini hjá landsstýrismanninum og mælir løgtinginum til at samtykkja uppskotið. </div><div> </div><div> </div><div><br></div>
