- Tíðindi, mentan og ítróttur
Nøgdur við donsku stjórnina í makrelmálinum
<p>Sjúrður Skaale, fólkatingsmaður, er nøgdur við tað, sum danska stjórnin hevur gjørt í makreltrætuni millum Føroyar og ES.</p><div><br></div><div>Í røðu síni á Christiansborg í gjár, tá endaorðaskifti var í fólkatinginum, segði Sjúrður Skaale, at ES er til reiðar at fara so langt í hesum málinum, at tað stríðir ímóti altjóða lóg.</div><div><br></div><div>- At Danmark í útgangsstøðinum ikki fer at atkvøða fyri at seta tiltøk í verk móti Føroyum, at tiltøkini í ringasta føri verða avmarkað, og er til reiðar at leggja málið fyri WTO ella ES-dómstólin, kann eg ikki vera misnøgdur um. Eg haldi, at stjórnin, ið hvussu er fyribils, hevur funnið eina skilagóða javnvág í viðurskiftunum millum ES og Føroyar, segði Sjúrður Skaale. </div><div><br></div><div>Hann minti tó á, at málið er ikki liðugt enn.</div><div><br></div><div>- Danmark kann ikki einsamalt gera av, hvat ES skal gera. Men stigini, sum stjórnin er sinnað at taka í makremálinum, kunnu fáa stóran týdning. Ríkisfelagsskapurin sleppur at standa sína roynd, um og nær tiltøk verða sett í verk, segði Sjúrður Skaale.</div>
