- Tíðindi, mentan og ítróttur
Flogbóltslandsliðið góða byrjan í Luksemburg
![](https://kvf.fo/sites/default/files/styles/grein-ovasta-mynd/public/197423f24ac28aaa7fdeeec4606cae50.png?itok=nHPmlyXK)
<div>Tað sást í byrjanini av dystinum, at hetta er fyrsti veruligi dysturin, sum
liðið spælir. Byrjanin var stirvin við nógvu føroyskum mistøkum, sum høvdu við
sær, at Írland eitt skiftið var á odda 14-10. Men so fótaðu okkara sær og vendu
gongdini. Løtu seinni høvdu teir vunnið fyrsta sett 25-21.<br><br>Gongdin í øðrum
setti var tann sama sum í fyrsta setti, men hesaferð fótaðu føroyingar sær tó
fyrr.. Teir fóru frá írum og vunnu annað sett 25-20. Triðja sett var javnari og
meira spennandi. Írar vistu, at teir máttu vinna settið fyri at halda lív í
vónini um sigur. Men okkara kláraðu at halda írar aftanfyri seg og vinna
25-23.<br><br>Samanumtikið var sigurin uppiborin. Føroyska liðið var javnt betri
enn tað írska, og hevði tí fleiri streingir at spæla uppá. Álopið riggaði til
tíðir heilt væl, og tað gjørdi verjan eisini. Bæði blokadan og verjan aftan fyri
blokaduna. Menn stríddust eisini væl, og tí vóru teir øgiliga fegnir, tá sigurin
var komin til høldar.<br><br>Teir, sum byrjaðu dystin í dag vóru Gunnar
Justinussen og Bjarni Larsen á kantunum, Suni Juul Pedersen og Trygvi Hansen á
miðjuni, Thorvald Danielsen sum hevari og Jón Joensen á diagonalinum og Jóhan
Petur á Stongum sum libero. Fróði Bærensen og Jón Syderbø komu inn sum dysturin
leið.<br><br>Fyri Trygva Hansen og Fróða Bærendsen var dagurin serligur, tí
hetta var fyrsti A-landsdystur hjá teimum báðum.<br></div><div><br></div><div>Føroyska landsliðið skal spæla tveir EM-dystir í morgin. Klokkan 11.00 føroyska tíð møta vit vertstjóðini, Luksemburg, sum av nógvum verður mett at verða sterkasta tjóðin í hesi kappingini.</div><div><br></div><div>Klokkan 17.00 í morgin spæla Føroyar og Norðurírland</div><div><br></div><br><br>