- Tíðindi, mentan og ítróttur
Yvirgangsmenn 12 ára fongsul
<div>Teir fýra menninir, sum í morgun vórðu funnir sekir í at fyrireika eina yvirgangsatsókn móti Jyllandspostinum, eru dømdir 12 ára fongsulsrevsing.</div><div><br></div><div>Dómurin fall í rættinum í Glostrup.</div><div><br></div><div>Menninir - tríggir teirra 31 ára gamlir og ein 46 ára gamal - eru allir úr Svøríki. Tveir teirra eru av tunesiskum uppruna og ein av libanskun uppruna. Menninir ætlaðu at fara inn í blaðhúsið á Ráðhúsplássinum við millum annað einari maskinbyrsu við ljóðdoyvara, har teir ætlaðu at drepa so nógv sum gjørligt.</div><div><br></div><div>Eydnaðist tað ikki at sleppa inn í blaðhúsið,var ætlanin at bróta inn í eini tilvildarlig hús við nógvum fólki og drepa frá hond.</div><div><br></div><div>Politiið handtók menninar tann 29. desember 2010.</div><div><br></div><div>Rætturin metir seg hava prógv fyri, at menninir høvdu ætlanir um at drepa, millum annað við at avlurta íbúðir í Stokkhólmi og Herlev, har menninir hildu til.</div><div><br></div><div>Ákærumyndugleikin kravdi millum 14 og 16 ára fongsulsrevsing. Verjin metti, at fongsulsrevsing millum 5 og 12 ár var hóskandi. Og rætturin dømdi allar fýra 12 ára fongsul. </div>
