- Tíðindi, mentan og ítróttur
11 skip ætla at taka ímóti makreli
<div>Sjálvt um løgtingið hevur samtykt, at tað fer at kosta tvær krónur í avreiðingargjaldi at landa makrel til útlendsk móttøkuskip, so veksur bunkin við umsóknum um at fáa móttøkuskip inn á feltið í summar støðugt.</div><div><br></div><div>Fiskimálaráðið hevur higartil fingið 11 umsóknir um tílík loyvi.</div><div><br></div><div>Risastóra móttøkuskipið Lafayette er eisini í bunkanum við umsóknum um loyvi at taka ímóti makreli í summar. Umsóknin varð send Fiskimálaráðnum á middegi hósdagin, hóast umboðsmaðurin hjá felagnum alment hevur sagt, at við tveimum krónum í avreiðingargjaldi kemur Lafayette ikki í føroyskan sjógv. Lafayette kann sambært egnum upplýsingum taka ímóti 1200 tonsum um samdøgrið.</div><div><br></div><div><b>Tvær umsóknir úr Litava</b></div><div><br></div><div>Í gjár komu tvær umsóknir úr Litava. Felagið "Alliance Marine Group" søkir um loyvi at fáa tvey skip, "Fin Whale" og Grey Whale", inn á feltið at taka ímóti makreli í summar. Skipini, ið bæði eru undir russiskum flaggi, liggjja í løtuni á Las Palmas. Sambært egnum upplýsingum kunnu tey taka ímóti 100 til 160 tonsum av makreli um samdøgrið.</div><div><br></div><div>Reiðaríið Thor í Hósvík hevur ikki færri enn sjey umsóknir um móttøkuskip inni í Fiskimálaráðnum. Longu í februar søkti Thor um innflutningsloyvi til Franzisku, Gloriu, Victoriu og Thor, og fyrst í mai søkti reiðaríið um innflutningsloyvi til skipini Odin, Frigg og Kai Shun. Tilsamans kunnu hesi sjey skipini, ið Thor søkir um loyvi at fáa inn á makrelfeltið, sambært egnum upplýsingum taka ímóti 1600 tonsum um samdøgrið.</div><div><br></div><div>Elsta umsóknin í bunkanum er frá Bjarta Mohr, sum í november í fjør søkti um innflutningsloyvi til uppsjóvartrolara við verksmiðju til frysting og meirviðgerð.</div><div><br></div><div>Fiskimálaráðið roknar við, at út við triðingurin av føroyska makrelinum verður landaður til útlendsk móttøkuskip. Avreiðingargjaldið á tvær krónur kilo skal so geva landskassanum umleið 80 milliónir krónur í inntøku.</div><div><br></div><div><br></div><div><br></div><div><br></div>
