- Tíðindi, mentan og ítróttur
Avmarkað netsamband í Suðuroy og Sandoy

<p class="MsoNormal">Ein sjókaðal, sum knýtir Suðuroy og Sandoy til meginøkið, er slitnaður, og tí
fer alt telesamskiftið til Suðuroyar og Sandoyar á tiltakslinjum, har tað er
sera avmarkaður kapasitetur. Tað er serliga ferðin á internetsambandinum, sum er
rakt, men brekið ávirkar eisini 3G-netið og onkrar FM-sendarar, sigur Føroya Tele.</p><p></p><p></p>
<p class="MsoNormal">Kaðalin slitnaði í gjár, men í løtuni er óvist,
nær brekið er umvælt, og netið aftur virkar sum vanligt. Arbeitt verður við at
bøta um sambandið við fleiri tiltakslinjum, til brekið er umvælt. Hetta kann tó
taka eina til tvær vikur.</p><p></p><p></p>
<p class="MsoNormal">FT Net miðar eftir at umvæla brekið sum skjótast. Neyðugt
er at fáa eitt serligt kaðalskip at umvæla kaðalin, og einki slíkt skip er í
Føroyum. Kannað verður nú, nær til ber at fáa eitt kaðalskip til Føroya at
umvæla brekið.</p><p></p><p></p>




















