Eykagjald fyri heilivág

Hevur tú ørindi á apotekinum uttan fyri vanliga avgreiðslutíð, skalt tú rinda eitt eykagjald, sum verður lagt oman á rokningina

Kjartan Mohr, landsapotekari, sigur, at eykagjaldið verður tikið, tí so nógv koma á apotekið uttan fyri vanliga avgreiðslutíð.

Bergljót D. Hentze

Johnsigurd Johannesen

05.06.2012 - 10:04

<div>Øll viðskiftafólk, sum hava ørindi á apotekinum uttan fyri vanliga avgreiðslutíð, fáa nú eitt eykagjald - 37 krónur og 50 -  lagt oman á rokningina fyri heilivágin.</div><div><br></div><div>- Tað verður ikki gjørt fyri at geva okkum størri inntøkur, sigur Kjartan Mohr, landsapotekari, men fyri at fækka avgreiðslurnar uttan fyri vanliga arbeiðstíð. </div><div><br></div><div>Hann sigur, at nógv fólk koma á apotekið uttan fyri upplatingartíð, og neyðugt er at leggja hesar 37 krónurnar og 50 oyruni oman á rokningina sum eitt vaktargjald. Avgreiðslur gjøgnum lúkuna eru til heilivág, sum er bráðneyðugur, og ikki til vanliga reseptavgreiðslu, sigur landsapotekarin.     </div><div><br></div><div><br></div>