- Tíðindi, mentan og ítróttur
Landskassin fær nógv meiri í avgjaldi
<p>Landskassin fekk nærum 32 milliónir krónur meiri í avgjaldsinntøkum fyrstu fimm mánaðirnar í ár enn somu tíð í fjør. Hinvegin var vanligi landsskatturin saman við eftirlønarskattinum góðar 25 milliónir krónur lægri enn fyrstu fimm mánaðirnar í fjør.</p><div><br></div><div>Tað vísa tøl frá Fíggjarmálaráðnum.</div><div><br></div><div>Men tilsamans fekk landskassin 6,6 milliónir krónur meiri í skatti og avgjøldum frá januar til mai í ár, samanborið við somu tíð í fjør.</div><div><br></div><div>Vøksturin hevur serliga verið stórur í inntøkunum frá meirivirðisgjaldi, sum vórðu 26,5 milliónir kr., ella góð fimm prosent størri fyrstu fimm mánaðirnar í ár. Skrásetingargjaldið var 4,4 milliónir størri, og aðrar avgjaldsinntøkur vóru umleið eina millión størri í ár enn í fjør.</div><div><br></div><div>Vøksturin í meirvirðisgjaldinum var umleið eitt prosent størri enn vøksturin í lønum og øðrum veitingum, sum vórðu goldnar um a-skattaskipanina. </div>
