- Tíðindi, mentan og ítróttur
Týsk tingfólk á vitjan í Føroyum
<p>Seinnapartin í gjár vitjaði Týsk-norðurlendska
tingnevndin í týska samveldistinginum í Tinganesi, har tey høvdu fund við Kaj
Leo Holm Johannesen, løgmann. </p><p>Tingnevndin arbeiðir fyri at styrkja samstarvið og
samhandilin millum Týskland og Norðurlond. Á fundinum greiddi løgmaður m.a. frá føroyska
búskapinum, útflutningi, orkuøkinum og ríkisrættarligu støðu Føroya. </p><p>Tingnevndin var áhugað í viðurskiftunum millum
Føroyar og ES, og løgmaður greiddi frá ætlanunum hjá landsstýrinum um at víðka
um samstarvið við ES. Tingfólkini vildu eisini hava at vita nærri um makrelósemjuna.</p><p> Løgmaður og týsku tingfólkini umrøddu eisini
alheims fíggjarkreppuna, og hvussu kreppan kann ávirka Evru-samstarvið. </p><p>Týska tingnevndin skal eisini hava fundir við landsstýrismannin í fiskivinnumálum,
Uttanlandsnevndina, og Havbúnaðarfelagið. Hetta er fyrstu ferð, at nevndin
vitjar í Føroyum, og í morgin gongur leiðin víðari til Noregs.</p>
