- Tíðindi, mentan og ítróttur
Vinnumálaráðið: Marjun er framvegis áhugaverd
<div>Landsstýrið vil hava oljufeløgini at venda aftur til eitt hol, sum varð borað fyri 11 árum síðani. </div><div><br></div><div>Ein brunnur, sum varð boraður í føroysku undirgrundina í 2001, er brádliga vorðin spennandi aftur.Talan er um brunnin Marjun, sum millum annað Amerada Hess boraði í 2001.</div><div><br></div><div>Nú, 11 ár seinni, er vorðið greitt, at oljan í brunninum rennur betur enn higartil hildið. Og tí er hon lættari at fáa upp. </div><div><br></div><div>Vinnumálaráðið nýtir høvi til at gera vart við, at oljufeløg kunnu søkja um loyvi at leita á júst hesari leiðini. Sambært kolvetnislógini kunnu oljufeløg søkja um loyvi at leita á leiðum, sum fyrr eru bodnar út.</div><div><br></div><div>Men áðrenn loyvi kann latast, skal landsstýrismaðurin í vinnumálum kunngera alment, at umsókn er komin. Tá hava onnur feløg 90 dagar at umhugsa, um eisini tey skulu søkja. </div><div><br></div><div><b>Fleiri hundrað milliónir tunnur</b></div><div><br></div><div>Hóast óvissan er stór, verður mett, at í brunninum eru millum 100 milliónir og 600 milliónir tunnur av olju. Ein tunna av olju er knappliga 160 litrar.</div><div><br></div><div>Í 2001 varð borað gjøgnum 170 metrar av oljuberandi løgum. Har er lætt olja. Hetta var eitt spennandi úrslit eisini tá. Men eftir at hava borað ein avmarkingarbrunn á enskum øki og kannað mátingar og borikjarnir nærri, gjørdu loyvishavararnir av ikki at halda fram við loyvinum og lótu landsstýrinum loyvið aftur.</div><div><br></div><div>Jarðfeingi hevur síðani biðið eitt amerikanskt ráðgevingarfelag meta um upplýsingarnar frá boringini. Og tað eru metingarnar hjá amerikanska felagnum, sum hava íbirt nýggja vón um Marjuna. </div><div><br></div><div>Men Jarðfeingi og Vinnumálaráðið siga tó, at fleiri kanningar skulu gerast, áðrenn til at siga meira um útlitini at fáa olju úr gamla brunninum. </div><div><br></div>
