Eru farin at endurskoða fiskivinnulógina

Allir flokkar eru við í arbeiðnum at endurskoða lógina, sum skal verða liðug at leggja fyri tingið næsta ár

Tað er fyrst og fremst lógin um vinnuligan fiskiskap frá 1994, sum skal endurskoðast.

06.06.2012 - 14:21

<div>Arbeiðið at endurskoða alla fiskivinnulógávuna er byrjað.</div><div><br></div><div>Allir flokkar á tingi eru við í arbeiðinum, sum byrjaði mánadagin. Fyrst og fremst lógin um vinnuligan fiskiskap frá 1994 skal endurskoðast.</div><div><br></div><div>Jacob Vestergaard, landsstýrismaður, miðar eftir at hava eina nýggja fiskivinnulóggávu lidna til seinasta framløgudag í næstu tingsetu, tað er fyrst í mars 2013.</div><div><br></div><div>Arbeiðið er umfatandi. Uppskot skal gerast um, hvussu gjøld kunnu áleggjast fiskivinnuni, hvussu brúksskylda skal fylgja við fiskirættindum, hvussu fiskiskip skulu bólkast og um útlendskan eigarapart í føroyskum fiskiførum.</div><div><br></div><div>Fyrst og fremst embætisfólk í Fiskimálaráðnum fara at endurskoða lógina um vinnuligan fiskiskap. Afturat teimum er so politiski fylgibólkurin við umboðum úr øllum flokkum.</div><div><br></div>