- Tíðindi, mentan og ítróttur
Føroyingar og íslendingar ræðast ikki norðmenn
<div>Hvørki í Føroyum ella í Íslandi missa fólk svøvnin av ætlanini hjá Noregi at seta í verk fleiri tiltøk móti Føroyum og Íslandi fyri at fáa londini bæði at bakka í makrelstríðnum.</div><div><br></div><div>- Ætlaðu tiltøkini fáa onga ávirkan á okkum, og tey fara heldur ikki at geva okkum nakrar trupulleikar, sigur Jacob Vestergaard, landsstýrismaður í fiskivinnumálum, við norska blaðið Fiskaren. </div><div><br></div><div>Bara samráðingar og ikki slík tiltøk, sum Noreg nú hugsar um, kunnu loysa makrelmálið, sigur Jacob Vestergaard.</div><div><br></div><div>Jacob Vestergaard vísir á, at Føroyar og Noreg hava onga fiskiveiðuavtalu longur. Hetta er ikki fyrstu ferð, at londini eru ósamd um ein ávísan fiskastovn, men tá hevur samstarvið um aðrar stovnar kortini hildið fram, sigur landsstýrismaðurin við Fiskaren.</div><div><br></div><div><b>Íslendingar ræðast heldur ikki</b></div><div><br></div><div>Heldur ikki í Íslandi ræðast tey Noreg. Friðrík Jón Arngrímsson, stjóri í íslendska reiðarafelagnum, minnir á, at fyri nøkrum árum síðani ásetti Noreg egna sildakvotu uttan at spyrja íslendingar. </div><div><br></div><div>- Vit kallaðu ikki norðmenn fyri ránsmenn fyri tað, sigur Friðrík Jón Arngrímsson við Fiskaren.</div><div><br></div><div>Hann sigur, eins og Jacob Vestergaard, at bara samráðingar og viljin til at viðurkenna Ísland og Føroyar sum javnbjóðis samráðingarpartar kunnu loysa makrelmálið.</div><div><br></div><div><b>Ætla at herða tiltøkini</b></div><div><br></div><div>Tað var fríggjadagin í síðstu viku, at Kristine Gramstad, stjóri í norska fiskimálaráðnum, á aðalfundinum hjá Norges Sildesalgslag segði, at norska stjórnin viðger møguleikan at herða tiltøkini móti Føroyum og Íslandi.</div><div><br></div><div>Millum annað kann Noreg geva føroyskum og íslendskum skipum, sum fiska makrel, heitið sjórænaraskip, seta forboð fyri at innflyta alifóður úr makreli, nokta føroyskum og íslendskum skipum at fiska í norskum sjógvi og siga upp avtaluna við Ísland um fiskiskap í Smoguni í Barentshavinum. </div><div><br></div><div>Kristine Gramstad segði eisini, at norska stjórnin fylgir væl við í ætlanunum hjá ES at seta handilsforðingar móti Føroyum og Íslandi. </div><div><br></div><div>Norski fiskimálaráðharrin, Lisbeth Berg-Hansen, segði annars við Útvarpið fyri trimum mánaðum síðani, at Noreg hevði onga ætlan um fleiri tiltøk móti Føroyum.</div>
