Fyrireika 50 metra hyl í Gundadali

Nevnd er sett at gera byggiætlan og ætlan fyri økið, har høllin skal standa

Nevnd er nú sett at fyrireika byggingina av svimjihøllini í Gundadali, ið skal hýsa 50 metra hyli.

06.06.2012 - 16:50

<p>Nevnd er nú sett at fyrireika høllina, ið skal hýsa 50 metra svimjihylinum í Gundadali í Havn.</p><div><br></div><div>Ætlanin er at byggja høllina undir liðini á verandi svimjihøll, har ÍSF-húsið stendur. Tað ber í sær, at ÍSF-húsið annaðhvørt verður tikið niður, ella verður flutt.</div><div><br></div><div>Í bygginevndini sita Jógvan Arge, Bogi Andreasen og Elin Lindenskov fyri Tórshavnar býráð, Eydna Justinussen, fíggjarleiðari í kommununi, Harald Bjørgvin, húsavørður, og Jákup Simonsen, leiðari á mentamáladeildini, ið er formaður. Rágevar eru Jón Hestoy úr Svimjisambandinum og Eyðun Húsgarð úr Havnar Svimjifelag.</div><div><br></div><div>Tað fyrsta, nevndin fer at gera, er ein byggiætlan og ætlan fyri sjálvt økið. </div><div><br></div><div>Heðin Mortensen, borgarstjóri, sigur, at byggingin fer á ongan hátt at órógva verandi svimjihøll, hóast hallirnar seinni fáa felags funksjónir. </div><div><br></div><div><br></div>