Fyrstu búfólkini flyta inn í august

Røktarheimið í Vestmanna er um at vera liðugt, og nú verður farið at seta innbúgvið upp

Fyrstu búfólkini flyta í nýggja røktarheimið í Vestmanna eftir summarfrítíðina.

06.06.2012 - 12:38

<div>Beint eftir summarfrítíðina kunnu fyrstu búfólkini flyta inn í nýggja røktarheimið, sum verður bygt í Vestmanna.</div><div><br></div><div>Arbeiðið at gera sjálvan bygningin er um at vera liðugt, og tá bygningurin er liðugur, verður farið undir at seta innbúgvið upp.</div><div><br></div><div>Karl A. Olsen, borgarstjóri, sigur, at sjálvur bygningurin er nakað seinkaður, tí veðrið í vetur hevur verið vánaligt, men nú er um at vera komið á mál. Bygningurin skuldi verið liðugur í apríl.</div><div><br></div><div>Tað fer at taka nakað av tíð, til klárt er at flyta hann, tí innbúgvið skal setast upp, m.a. køkur og ein lyfta millum hæddirnar. Men í august skuldi verið klárt hjá fyrstu búfólkunum at flutt inn í røktarheimið, sigur Karl Olsen.</div><div><br></div>