- Tíðindi, mentan og ítróttur
Lánsbrøv fyri meiri enn eina milliard
<div>Nú ber til at keypa lánsbrøv, sum landsstýrið hevur boðið út, fyri eina milliard og 123 milliónir krónur. </div><div><br></div><div>Í Føroyum hava Bank Nordik og Eik Banki keypt ein part av lánsbrøvunum, og harumframt hava danskir og týskir íleggjarar keypt. Lánbrøvini verða nú seld víðari, og tey verða skrásett á danska og íslendska keypsskálanum 11. juni. </div><div><br></div><div>Peningurin skal m.a. nýtast at fíggja 140 milliónir krónur av hallinum á fíggjarlógini í ár. 930 milliónir krónur skulu nýtast at gjalda onnur brævalán aftur og avdrátt av øðrum láni, og 53 milliónir krónur skulu nýtast til at endurfíggja afturkeyp av lánsbrøvum.</div><div><br></div><div>Í sambandi við, at lánsbrøv verða afturkeypt, verður brævalánið, sum gongur til 2018, minkað samsvarandi.</div><div><br><b>Hálvt annað prosent í rentu</b></div><div><br></div><div>Lánsbrøvini, sum nú verða boðin til sølu, hava fasta rentu, 1, 5 prosent um árið. Rentan til íleggjarar er lægri, 1,43 prosent. Landsbankin og Nordea Bank hava fyrireikað lántøkuna. Lánsbrøvini fella til gjaldingar 11. juni í 2015.</div><div><br></div><div>Rentan er nógv lækkað hesaferð, tí rentan á brævaláninum, sum landsstýrið seldi í fjør, var 3,8 prosent um árið. Tað brævalánið gongur í fimm ár.</div><div><br></div><div>Jørgen Niclasen, landsstýrismaður, sigur, at hann fegnast um lágu rentuna, og at sølan hevur fingið væl. </div><div><br></div>
